Hvernig þarf Blogger.com template skjalið að líta út?

Nokkuð algengt er að færslur fólks hætti að birtast í fyrirsagnalistum RSS.molar.is eftir að fólk hefur breytt útliti blogg-síðna sinna. Þetta stafar af því að RSS.molar.is leitar að sérstökum orðum í HTML kóða síðunnar sem tilgreina hvar færslan byrjar. Við útlitsbreytingar hverfa þessi "merki" stundum og færslurnar verða í þar með ósýnilegar fyrir vélmennið sem býr til fyrirsagnalistana.

Til að laga þetta vandamál, þarf að breyta "template" skilgreiningu blogg-síðunnar hjá Blogger.com. Það er gert með því að skrá sig inn í Blogger.com og velja "Template". Þá birtist núgildandi útlitsskilgreining bloggsins, sem þú þarft að breyta og vista í samræmi við þessar leiðbeiningar.

Í "template" skilgreiningunni er kafli sem lýsir hvernig stakar færslur eiga að líta út. Sá kafli lítur gjarnan sirka svona út:

  <Blogger>
   <BlogDateHeader>
    <p><div class="date"><$BlogDateHeaderDate$></div>
   </BlogDateHeader>
 
   <div class="posts">
   <p>
    <a name="<$BlogItemNumber$>"></a>
    <b class="byline">
    <a class="byline" href="<$BlogItemArchiveFileName$>#<$BlogItemNumber$>">
       Posted <$BlogItemDateTime$>
    </a> by <$BlogItemAuthorNickname$></b>

    <br><$BlogItemBody$>
   </div>

   <BlogDateFooter>
    <blockquote><hr></blockquote>
   </BlogDateFooter>
  </Blogger>

Reyndar er líklegt að þetta líti töluvert öðruvísi út hjá þér, en það sem skiptir mestu máli er feitletrað: á milli <Blogger> og </Blogger> kemur örugglega fyrir merkið <$BlogItemBody$>, því án þess birtast engar færslur á bloggsíðunni.

Hinsvegar er algengt að síðasta merkið vanti - en til þess að RSS.molar.is geti fundið færslurnar þínar, þarf <a name="<$BlogItemNumber$>"></a> að koma fyrir á eftir <Blogger>, en á undan <$BlogItemBody$>.

Nákvæmlega hvar skiptir ekki endilega öllu máli - ef þú límir þetta merki inn í "template" skjalið á heppilegum stað og vistar, þá eru góðar líkur á að það dugi til þess RSS.molar.is finni færslurnar þínar og uppfæri fyrirsagnalistana til samræmis.